政情：周美鳳有晒「酒色財氣」？
由演藝界變身公關界女強人嘅周美鳳，尋日為自己間公關公司成立十八周年搞咗個派對，見到咁多朋友嚟撐場，佢當然好開心，仲話咁多年嘗盡甜酸苦辣，「酒色財氣」都有晒。
佢口中嘅「酒色財氣」當然唔係咁解，其實係「走識才氣」，即係行得走得；有學識；有人才、身材同錢財；有名氣同人氣。雖然乜都有，但佢反而心思思想重返演藝界。點解？因為受到前日香港金像獎頒獎典禮影響囉！佢話以前拍戲唔多，所以想再磨練吓啲演技喎，仲即場叫導演朋友開戲畀佢添！
同場見到名模馬詩慧，問起復活節有乜節目，佢話囝囝要喺學校表演唱歌、中樂同話劇，所以留喺屋企為囝囝綵排。咁可以同兩個囡囡外遊㗎？佢話兩個女仲忙過佢，日日都唔得閒喎。
周美鳳心思思想重返演藝界，仲叫導演朋友開戲畀佢。