政情：邱毅勇為份工剷鮑魚刷頭
髮型反映人嘅性格，又或者係因應工作需要而變，中信大錳主席邱毅勇剪咗個平頭裝，係因為後者。
邱總冇見一段時間，由旅遊業轉型去咗做資源業，而為咗配合份工，仲連個髮型都變埋，真係好專業。
唔單只邱總，公司好多管理層都同邱總一樣，剪咗個象徵中信大錳嘅「鮑魚刷頭」，邱總話呢個髮型對喺中信大錳做嘅人都幾重要，幾乎個個都會留呢個髮型。點解呢？唔通好似學校嘅校服咁係身份嘅象徵？佢話都係㗎，事關佢哋時不時都要親身落啲錳礦做嘢兼視察，去完個礦之後，成個頭就污糟到冇人有，所以人人都剪呢個方便又整潔嘅髮型囉。邱總邊講邊摸住自己個頭笑得好開心，仲話會一直keep住呢個造型添！
邱毅勇話不時要落錳礦做嘢兼視察，所以剪呢個易整潔嘅髮型。