SUN世代：信念因囝囝改變

經過十多年的事業打拚，馮穎琪的人生也進入另一階段，目前她希望將更多時間投放在家庭，尤其是現年四歲幾的囝囝Ethan身上。「我以前堅信只要自己好努力，就可以做到好多嘢，小朋友令我改變咗好多，佢令我明白到，原來有啲嘢唔係父母以為自己幾咁努力、或者幾咁堅持就一定得，原來都要睇小朋友本身嘅性格。」

Vicky音樂才華洋溢，囝囝Ethan卻似乎沒有遺傳媽媽的音樂天分。「佢鍾意音樂，但唔叻；我有教佢學琴，但目的係想佢靜靜哋坐半個鐘，唔係刻意栽培佢。佢運動好叻，如果將來佢鍾意運動，我會畀機會佢喺呢方面發展。」「喺依家呢個年代，太多你估唔到嘅嘢都會發生，就算唔上街都可以學壞！呢幾年我覺得可能要多啲陪佢，等佢feel到父母對佢嘅愛護，明白屋企係一個好好嘅地方。父母畀到幾多愛佢，緊要過我要逼佢做啲咩。」