聽講滙豐由五月一日起，每個員工生日嗰個月，都有多一日生日假，係有薪假，可以話一份唔錯嘅生日禮物，即係話除非員工二月二十九日生日，否則以後每年都多一日假放。對員工好啲，自然流失率都低啲，咁香港區總裁馬凱博就唔使煩喇！
聽講滙豐仲幫員工諗埋點樣發展事業，以後每個月都會內部發信畀員工，講吓有乜嘢工作機會同事業發展有關嘅資訊畀佢哋，畀員工睇吓內部轉職發展機會，好過佢哋出去搵出路，以免浪費有潛質人才。
為咗挽留人才，馬凱博當然出招喇！ （資料圖片）
