美麗華酒店尋日出年報，據年報顯示，「四叔」李兆基同細仔李家誠喺公司收咗五萬蚊董事袍金，同○九年比較，四叔兩父子嘅董事袍金冇乜點加過。四叔另有薪金、補貼同實物利益，都係五萬蚊，加埋全年即係收十萬大元，同四叔收以十億計嘅股息總數，真係蚊髀同牛髀。
公司仲公布咗五位酬金最高嘅僱員收入，呢五位高層總薪酬係一千一百四十七萬元，最高薪嗰位嘅年薪介乎四百五十萬至五百萬元之間。有趣嘅係，○九年最高薪嘅員工，人工係二百五十萬至三百萬元之間，如果係同一個人，即係話加薪接近一倍！
李家誠
