Sun角度：因小失大 睇準網友怕執輸

「執輸行頭慘過敗家？」網站抽獎活動中獎機會微乎其微，但仍能大行其道，全因不少網友貪小便宜。

藍天心理諮詢中心註冊臨床心理學家鄒凱詩指出，不少網站捉住網友渴望不勞而獲的貪婪心態，推出連串優惠或送贈大批獎品，以吸引網友登記做會員，套取個人資料。

以為留姓名電話冇問題

她又表示，事件亦反映很多網友忽視個人私隱，不懂得保護自己：「尤其係年輕人，可能好想要部新iPad，覺得㩒個掣讚個好係好小事，亦覺得自己姓名電話都係普通資料，留吓冇問題，漸漸上癮。」

此外，鄒凱詩認為年輕人喜歡在朋友面前炫耀，以為掌握第一手優惠資料，就勝人一籌，結果甘願雙手向網站奉上個人資料：「好多人會想做發布優惠嘅第一人，同朋友講『咁筍嘅嘢，你唔係唔知吖嘛！』，令佢哋樂意幫網站宣傳優惠。」

鄒建議，網友不應輕視洩露私隱的後果，須搞清楚優惠活動背景，否則隨時墮入騙局。