Sun角度：煲住粥過馬路 學童捱撞命危

除司機駕車玩手機會釀成交通意外，行人過馬路時玩手機，如邊行邊㩒手機、講電話或戴耳機聽歌，分分鐘導致意外。

司機屢遇Phone狂途人

去年九月，一名女子在葵涌橫過馬路時，疑分心講電話，遭密斗貨車撞倒；本年一月底，一名男童放學返回香港仔寓所時，邊過馬路邊「煲電話粥」，結果遭貨車撞倒，頭部重傷命危。

職業小巴司機余先生表示，開工時曾遇過幾次「驚險」場面，例如較早時，他駕車途經太子道，險撞到一名玩手機途人，「佢失驚無神衝出嚟，罔顧人命安全，真係嚇死人！」

余直指，行人過馬路玩手機很危險，部分人玩到「入神」，沒有留心路面情況，部分「只顧聽歌，冇睇交通燈，響號都聽唔到」，要其他途人「出手」相救，才不致造成交通意外。為免發生交通意外，余先生開工前都會養足精神，駕車時留心路面情況，絕不會「發白日夢」。