City Parade：慈善新星
踏入四月，各大慈善團體輪流換屆。東華先拔頭籌，上周一喺上環總壇舉行新任董事局就職禮，夜晚移師君悅開Party，城中冠蓋雲集，衣香鬢影，歷屆主席及董事局成員聚首一堂，更拉隊上台展歌喉，氣氛高漲。一日之後，輪到保良局辦喜事，一眾董事局成員齊集銅鑼灣總部就職，咁啱得咁蹺，晚宴地點都係君悅，認真旺場。
總理陳細潔穿起超短閃片裙，艷光四射。
玩具大王蔡志明太太蔡李惠莉（左）就任總理，囝囝蔡加讚（右）單拖到賀，未見女友汪圓圓。
賭王千金何超鳳（右）有老公相伴到場，笑得分外甜美。
「靈芝大王」陳宇齡（左一）與女童軍總會候任香港總監彭徐美雲（左三）嘅老公彭曉明（右一），原來係表兄弟，難怪兩家咁老友。左二為東華第一副主席陳文綺慧（左二）。
賭王千金何超蓮（左）着上新買BCBG斜肩裙撐媽咪陳婉珍（中），右為前總理顧曉楠。
「鐘錶大王」孫秉樞（左）一直想拉鐘錶界才俊入東華，等咗四十年，終於搵到香港鐘錶業總會前主席黃業光（中）加入做總理，心情興奮，黃業光太太（右）都嚟為老公打氣。
東華新星輩出，賭王千金何超蕸（右）榮升東華第五副主席，前東華主席馬清鏗（左）都戥佢興奮。
副主席鄭錦鐘夫婦再度抱孫，心情靚爆。
賭王四太梁安琪（右三）升呢做保良局副主席，總理陳正欣夫婦（左一及二）、工業家蔣震女兒蔣麗萍（左三）等齊送上恭賀。