仁濟醫院第四十四屆董事局就職晚宴喺前晚舉行，近排忙於舞台劇《直子小姐》綵排嘅劉心悠都抽空出席撐場，佢係「仁濟慈善大使」，仁濟嘅盛事梗係唔少得佢啦。
日本發生大地震，劉心悠演出嘅舞台劇都會加開一場慈善賑災表演，所以佢好努力，首次演舞台劇嘅佢話，依家正努力練習廣東話，咁有乜進展？佢話到時再畀大家驚喜，不過，學語言首先要知陷阱，佢透露已經識得唔少廣東話粗口，知道乜嘢字眼唔可以亂講，雖然曾經試過發音唔正，講咗粗口，但佢會努力學，避免再出錯。
劉心悠係仁濟慈善大使，遲吓會參演舞台劇，其中一場更為日本地震賑災。
