商務及經濟發展局局長劉吳惠蘭因病辭職，令政圈再吹起驗身狂風，已退出官場嘅前同事更一人一句。
一樣係政務官出身嘅港區人大代表羅范椒芬出席活動時坦言，自己都好重視驗身，仲自言好好彩，因為老公係醫生，身體有乜問題都有專業人士喺身邊畀意見，就算一年做唔到一次體檢都唔使驚。咁羅生咪日日都可以幫佢檢查？羅范笑稱咁又唔得，有啲檢查一定要去醫院做嘅。
另一個前高官、平機會主席林煥光現身沙田馬場時，都被問到點樣保養身體，佢透露自己年紀有番咁上下，梗要定期驗身啦！