政情：陳法蓉籲多了解陰滋病
東華三院新總理揭盅，喺商界成績斐然嘅王賢誌都係總理之一，前晚東華舉行聯歡晚宴，前港姐陳法蓉都有出現，原來佢係嚟撐王賢誌嘅。佢話，因為過去王賢誌非常支持慧妍雅集嘅工作，所以佢投桃報李，互相支持囉。
講到內地近期流傳陰滋病，經常喺內地做嘢嘅陳法蓉話未有聽聞，佢仲呼籲：「大家唔應該盲目咁恐慌，要了解多啲，正面去面對，去做預防。我之前去咗探訪患愛滋病嘅小朋友，其實每個病都好可怕，但只要多了解就唔會恐慌。」至於今年嘅工作，佢就話到四月為止，已經拍咗六個廣告，收入肯定豬籠入水啦。
