政情：陳嘉容惡補戒港式英語
香港人成日以學好兩文三語為目標，名模陳嘉容近期就努力學英語同日語，仲特別搵咗導師教佢美式英語，目標係戒咗有香港口音嘅英語。
陳嘉容話：「我搵咗個英文導師教我美式英文，一個禮拜上兩日堂，一對一教學，因為自己啲英文好港式，想改啲發音同口音。我仲有學緊日文，依家國語、英文同日文三種語言一齊用。」好多人都話，要學一種語言，最好就係搵個母語係嗰種語言嘅人拍拖，陳嘉容打趣咁話呢個都係可以考慮嘅方法，不過，咁咪需要一次過搵三個男友？「我依家講三種語言都已經搞到啲思維亂晒，如果有三個男朋友真係搞唔掂。」
