貧病父母僅剩百元愁前路

【本報訊】「養到阿鳳咁大,點解咁就跳樓死咗?」患食道癌的王父剛接受完化療,力退癌魔,有望康復,豈料卻遭逢喪女打擊,硬漢也不禁落淚。他直言家庭經濟欠佳,銀行戶口僅餘一百一十六元,擔心未能辦理女兒後事。鑑於王家家境清貧及突遇巨變,東方日報慈善基金了解情況後,即時從「無力殮葬專戶」撥款二萬元,協助王家解決眼前困境。

「好多謝咁快嚟幫我」

四十三歲的王父十多年前在深圳遇意外,尾龍骨重創,喪失工作能力,一家需靠綜援過活。十三年前,王妻又患上產後抑鬱症,至今仍需定期覆診服藥。三年前,王父再證實患食道癌,惡疾已折磨得他身心疲累。不料,如今還遇上最大的打擊「白頭人送黑頭人」,王父坦言,事發後兩夫婦徹夜難眠,妻子更飲泣至天明。他慨嘆:「(女兒)有咩唔開心早啲同屋企講,可能就唔會搞成咁!」

對於東方日報慈善基金即時施以援手,王父深表謝意:「阿鳳走得太過突然,依家最緊要搞妥佢嘅後事。多得《東方日報》咁快嚟幫我,等我同老婆都唔使擔心無錢執葬佢,好多謝!」

(捐款編號:912097)

「Money18免費即秒股票報價網站」現推出8升級功能,財經資訊,實時實發!

望着愛女遺照,傷心淚汩汩而下。

東方日報慈善基金從「無力殮葬專戶」撥款二萬元,協助王家辦理殮葬事宜。

王父銀行戶口僅餘一百一十六元。