政情:金管局獲殘疾人士嘉許

香港失明人士互聯會連續第六年舉行「無障礙英雄」嘉許禮計劃,表揚社會上為殘疾人士參與社會作出貢獻嘅機構同個人,以鼓勵各社群建構一個互助互愛嘅平等社會。經殘疾人士提名同評審委員會仔細評審後,互聯會決定頒發一個英雄大獎畀香港金融管理局。

金管局有乜建樹先?原來金管局喺最新嘅鈔票設計上加上便利視障人士嘅設計,例如具有點字、增設手感線、銀碼採用凹凸印刷同埋向全港視障人士派發全新嘅量鈔器。評審委員會認為金管局嘅構思同設計好細心,值得社會各界效法喎!

除咗金管局之外,仲有九間機構及個人獲獎,當中包括「獎門人」曾志偉,事關佢積極參與同籌備聾人社會企業「樂農餐廳」,餐廳聘請咗多名聽障人士,令聽障人士可以自力更生,發展所長。

「Money18免費即秒股票報價網站」現推出8升級功能,財經資訊,實時實發!