祭品漲價50%孝子賢孫硬食

【本報訊】明日是清明節，孝子賢孫每年也會購買大批祭品孝敬先人，惟今年通脹加劇，物價飛漲，有市民慨嘆紙紮祭品漲價四、五成，三牲祭品亦加價約三成，但為了盡孝道，「貴都要照捱」，惟有減少購買貴價的新潮紙紮電子祭品，如iPhone、iPad等，以舊式的紙紮收音機代替。

大批孝子賢孫趁昨日清明節前的周日，到將軍澳華人永遠墳場掃墓，由於警方實施封路措施，各人只能徒步上山，但不少人仍帶同大包小包紙紮祭品、燒豬、雞鵝等上山孝敬先人，盡顯孝心。

「iPhone」不及「收音機」實用

洪太一家四代二十多人一同拜祭先人，她指今年通脹升溫，祭品較去年貴至少兩、三成，「舊年祭品唔使一千蚊，今年要千幾蚊，用多咗二、三百蚊，最貴係燒肉、魚同雞等三牲祭品。政府派六千蚊又未到手，所有嘢都貴晒！」但她指不會因祭品加價而「慳皮」，「一年拜一兩次都無得慳㗎啦。」

黎先生則稱，今年的紙紮祭品較去年貴四、五成，由以往七、八十元加至百多元，「老闆都話大陸來貨貴晒，無辦法下點都要加價，人民幣真係升得好緊要！」他又指新潮紙紮電子祭品，如iPhone、iPad等頗為昂貴，故未有購買，「要五、六十蚊一部咁貴，買咗畀先人都唔識用啦，不如買番部佢用開嘅舊式收音機同舊式電話，同啲衫畀佢仲實用。」