SUN世代：無教唔識嘅狗只有唔識教嘅主人

馮雪心身形嬌小，外表柔弱，與她的兩項嗜好有點格格不入：一是揸車，二是養體形巨大的狗隻。「揸車畀到我一種特別嘅感覺，因為可以身處另外一個唔同嘅空間，聽吓音樂，又有速度感，成個人得以放鬆。」她家住新界村屋，每天上下班都可享受大約半小時的悠閒時光。「自九六、九七年開始揸車以來，我都好鍾意呢種感覺。」

Rosetta養了四頭大犬，三隻是金毛尋回犬，一隻是拉布拉多犬。「我從狗身上學到好多嘢，就係佢哋活在當下，唔會好似人咁多計算、好簡單，同佢哋一齊，你就要全心同佢哋玩。」即使是訓練愛犬，她亦領略出人生道理：「我經常記住一句說話：『無教唔識嘅狗，只有唔識教嘅主人。』喺工作方面，如果有同事做唔到嘢，我會檢討一下：係咪我有啲嘢令佢發揮唔到？或者係我講得唔清楚？或者我都唔知自己想點呢？」