SUN世代：10蚊高層逆境挽人心

用時光機器回到○九年，當時全港正受金融海嘯衝擊，裁員、減薪、放無薪假等負面消息包圍。剛升任康宏理財行政總裁僅個幾月的馮雪心（Rosetta）為共度時艱，便與公司主席象徵式收取十元月薪，為期一年，因此即有「十蚊高層」的稱號。回首這段歲月，她說：「○九年減薪，其實係我哋自己嘅選擇。管理層傾咗好多方案，都通過唔到，既然係咁，如果係自願去做，點解唔apply落自己身上？」

Rosetta現任康宏理財行政總裁兼執行董事，康宏的主要業務是為客戶提供獨立的理財意見。「獨立理財顧問與一般銀行同保險公司嘅最大分別，係無自己嘅產品，純粹企喺客戶角度，考慮最適合佢哋嘅產品。」可能入行已久，Rosetta即使面對困境，仍堅持同一信念，做任何決定時，不忘考慮對方感受。

金融海嘯期間冇裁員

金融海嘯期間，公司不但沒有裁員，更推出一項短期貸款計劃，協助有心在理財顧問行業發展的前線員工渡過難關。Rosetta說：「前線同事無底薪，收入只得佣金。呢筆為期三個月至半年嘅貸款，目的係等同事唔使擔心生計而犧牲啱啱開始嘅事業。」事實證明，計劃成功挽留不少有潛質的同事，「有一位同事最近升職，佢就係其中一名受惠者。好開心，雖然最後唔知有幾多同事可以好似佢咁，就算只得一個，呢個program已經好成功。」

笑容可掬的Rosetta大學時主修建築，畢業後卻轉投理財顧問，源於九六年與一名理財顧問接觸，對方一句「你有無諗過幾時退休」令她萌生入行念頭。九八年她加入康宏理財之後，親身見證獨立理財顧問行業的蓬勃發展，七年後擢升為公司營銷及市場推廣部董事，○九年榮升行政總裁，同年獲頒「2009金融業最非凡女性」獎項。十多年間，公司僱員人數亦由「兩隻手都數得晒」，迅速增長至逾一千二百人，足證她的判斷準確。

「轉做理財顧問，大學讀嘅嘢全部無用啦﹗」笑聲過後，Rosetta解釋：「咁當時都有諗定後路嘅，唔得咪做番建築囉！好坦白講，要輸嘅都唔係輸好多，當時無咩負擔，既然有機會咪不妨一試。好多時我都係順從自己心意去做，嗰刻覺得：咦，呢個係一個機會喎！或者我自己覺得好有信心，即使無咩證據或者憑據話畀你聽一定得，但當我好有信心嘅時候，其實已經成功咗一半。」

Rosetta Fung's Profile

婚姻狀況　已婚

現　　職　康宏理財行政總裁兼執行董事

學　　歷　倫敦南岸大學建築學士（1992）、中大工商管理碩士（2002）

獎　　項　2009金融業最非凡女性