政情：李本瀅當年周街量輻射
政府尋日公布現任天文台助理台長岑智明，將喺下月十四號接替李本瀅做台長。點知喺退休之前發生涉嫌隱瞞核輻射襲港事件，搞到李本瀅尋日要親自開記者會澄清，仲話當年係佢第一個發現香港有輻射添！
喺記者會上，佢搬番一九八六年切爾諾貝爾核電廠嘅陳年事迹出嚟講，話當年係佢第一個發現香港有輻射，仲揭開當年由佢撰寫嘅報告，回想起自己嗰時用個測量儀周街度，竟然度到總輻射量達零點一二五貝可的驚人水平，銫最勁嗰陣都有零點零一五貝可，但佢話嗰啲儀器同今日啲冇得比，不能作準。
政府亦宣布知識產權署副署長張錦輝將於下月十二號起升任署長，接替退休嘅謝肅方。