SUN角度：賣平啲熨金印製金銀紙
通脹問題橫跨陰陽兩界，部分孝子賢孫購買清明節祭品時，荷包亦要慳住使，深水埗紙紮店負責人胡先生表示，部分印製金銀紙的材料採用熨金，而非錫金屬，價錢會較便宜，市民購買時可從反光度分辨兩種物料，「熨金紙會反光啲，表面睇光滑啲，錫製紙就較啞色。」他解釋，老人家較注重祭品是否真材實料，故多數選錫製金銀紙，因他們認為這樣摺出來的元寶才是真的，以示對先人的尊敬。
玄學家麥玲玲認為，拜祭祖先最重要是慎終追遠，心誠則靈，「社會一路轉變，陰司紙、金銀紙嘅印刷圖樣變化都大咗，款式唔同，好難判斷先人收唔收到，最緊要係心意；另外買燒肉抑或改買叉燒代替，分量多少都無所謂。」
