太陽民調:借基金派錢港府「打茅波」

財政司司長曾俊華炮製了「史上最廢」的財政預算案,當中派錢措施未能惠及新移民,便透過關愛基金派錢補鑊。關愛基金執行委員會委員指摘,港府利用基金派錢予新移民並引入資產審查,非一視同仁的做法是製造社會分化再分化,做法違背基金成立原意,而最諷刺是「未見過咁有錢嘅政府都可以搞到咁混亂」。

「依家用得最冇價值」

基金委員、社區組織協會主任何喜華直指,當初關愛基金成立的原意是希望協助被社會福利遺漏的基層人士,在性質上與今次大規模利用基金派錢予新移民不同。何喜華續稱,派錢是一次性、非長遠的措施,但基金本身的工作應是持續性,港府不應利用基金為預算案補鑊。

何強調,不反對協助低收入新移民,「但唔係用基金去做」,「基金應該協助更有迫切需要人士,依家係用得最冇價值」。他又批評港府為挽救民望及解決政治危機,「用多幾百億派錢,但結果都可能解決唔到問題」。他又語帶諷刺說,「都未見過有咁有錢嘅政府,都可以搞到咁混亂」。

另一基金委員、社福界立法會議員張國柱亦批評港府以關愛基金向新移民派錢時,設資產審查,非一視同仁,令社會再度分化。張國柱直言,預算案派錢沒有令所有市民受惠,作永久及非永久居民之分,屬第一次分化;基金派錢再劃分低收入新移民才可受惠,便是分化再分化。

張又認為,港府利用關愛基金派錢實屬「打茅波」,「你設計時漏咗呢班人,就叫我哋去補鑊,究竟邊啲係基金應該幫嘅漏網之魚,全部都由港府自己講晒!」