SUN世代:五歲女飛行里數多過大人

Charlie曾在澳洲和日本生活多年,他認為新世代必須具備外國生活體驗,拓闊視野。「如果只留喺香港唔出去,見嘅嘢好有限,出去走多啲,去多啲旅行,對人對事嘅包容都會大咗!」育有一女一子的他笑說,五歲長女搭飛機的里數比大人更多。「佢喺日本已經隔個月飛,可惜航空公司規定要兩歲先畀儲分,不過佢都做咗銀卡member啦!」

曾在東京工作四年,Charlie已是「日本通」,當地吃喝玩樂的蒲點,他都一清二楚。筆者以為其日語必定相當流利,答案卻出乎意料,他靦覥地說:「我嘅日文係零!一來工作嘅公司,同事都係講英文嘅外籍人士,二來我太太日文非常好,每次出街都係靠佢講,自己懶得學,不過我都識睇識聽少少嘅。」

黃澤禮一家四口的溫馨合照。