政情：Rosemary話會交代涉藏毒案
愛狗嘅傅明憲同Rosemary尋日出席「救救狗狗慈善步行2011」，但Rosemary並冇攜愛犬出席，佢話「三年前佢過咗身之後，就冇再養寵物，不過都有領養狗嘅打算。」
早前負面新聞纏身，Rosemary話將於日內召開記者會，屆時將交代早前涉藏毒案嘅詳情。問到父母嘅離婚案時，佢話仲未完。咁媽媽係咪要搬屋？佢就話唔太清楚，個case仲未解決。至於會唔會做爸爸同媽媽嘅中間人時，佢話：「我盡自己嘅能力嘗試過，不過真係好難，因為我好愛佢哋兩個。佢哋嘅嘢都係由佢哋解決啦。」再追問會否覺得壞事一浪接一浪？她笑言：「咁樣先令生活有趣起嚟。喺啱啱過去嘅六個月，令我成長同成熟咗唔少。」
Rosemary話過去嗰六個月，令佢成長同成熟咗唔少。
傅明憲抱住包到實嘅愛犬出席慈善步行。