政情：寇鴻萍想畀查理斯扑頭
日本福島縣核電站洩輻射污染食水同食物，為安全起見，五大旅行社都繼續取消日本團至四月尾，每年聖誕節都會一家人去日本二世古滑雪嘅寇鴻萍都話身在英國嘅囡囡，最擔心冇得再去滑雪天堂。
寇鴻萍話見到日本災民覺得好傷心，大嘆生命好脆弱，令佢更加珍惜家人。依家佢正修讀英國威爾斯大學嘅遙距MBA課程，仲有半年就畢業，所以依家忙緊寫論文，但因為好耐冇寫咁多字，所以不諱言有啲吃力。
雖然係咁，但係佢話好想快啲完成份論文，因為呢間學校嘅校監係查理斯王子，佢好期待可以由對方幫自己扑頭，仲話雖然自己喺做生意上面有好多實戰經驗，但係營商理論就弱啲，所以佢好想可以繼續讀埋博士課程喎！
寇鴻萍（左）話好想由查理斯王子幫自己扑頭。