政情：富貴黨換黨徽夠慳水
喺○八年立法會選舉地區直選全軍覆沒嘅富貴黨，今年決定重新上路，前正副主席田北俊同「莎姐」周梁淑怡相繼復出撐黨，前排更加決定「引刀成一快」，連個黨徽都換埋，誓要將舊有形象徹底打破，注入更多年輕活力，尋日佢哋仲隆重其事，特登搵公關公司搞咗個新黨徽發布會。
富貴黨成立以來第二次改黨徽，今次同之前分別好大，以藍綠兩色做主色，據兩位著名設計師陳幼堅同盧永強講，藍色代表專業同穩重、綠色就代表環保。
請得郁兩位名設計師，應該所費不菲啦，陳幼堅就話同莎姐識咗好多年，今次効勞，只係一餐茶價錢喎。
