Sun世代：感恩圖報對人要好
回憶童年，Warren說父親最緊張的，不是成績如何，而是老師的評語，他說：「如果老師話我唔夠勤力、頑皮，爹哋就會教訓我㗎喇！」嚴父出孝子，在Warren眼中，父親孫啟烈有數不完的優點，也是他最欣賞的人，「爹哋EQ好高，極少發脾氣，從不擺款，人際關係好好，記得佢話過，對任何人都要好，要識感恩，只要幫過佢嘅人，佢一世都會記住，亦會報答，呢種美德好值得我學習！」
老婆係最重要女人
Warren每星期幾乎每天都在內地工作，陪家人的時間很少，因此，現時與父母兄弟都同住一室，爭取最多的時間見面。每逢假日，他會陪家人去飲茶，享家庭樂。問到曾否冷落妻子，及十五個月大的女兒？他說：「絕對唔會！老婆係我最重要嘅女人，只要做完工作，我都會抽時間陪佢哋！」
三十歲結婚的Warren，與妻子育有一名可愛女兒。