Sun世代：大膽改革派 廚具搞新意

世上沒有理所當然，有能者居之。孫榮良是廚具公司老闆二公子，學成歸來，父親卻無安排接管公司，反而要他打工、捱苦，直至如今肚有墨水，又有社會經驗，才回歸家族公司大展拳腳。孫榮良沒有慢下手腳，六年來盡心盡力，最難得的是，他在極度忙碌中，仍擠出時間接觸基層、輔導年輕人，「香港要幫嘅人實在太多，只想盡一己綿力！」

　「有資格先返嚟公司！」這是孫榮良（Warren）父親給他的話語。Warren父親孫啟烈，是香港工業總會主席，也是家傳戶曉的建樂士（Kinox）不銹鋼廚具品牌老闆。但他無給兒子鋪下事業黃金路，Warren說：「爹哋冇話要我返去幫手，佢想我哋幾兄弟出去打工學嘢，仲講笑，如果我哋唔搞喎出面啲公司，先好返嚟喎！」

如是者，他在澳洲悉尼大學機械電子工程畢業後，沒有離開澳洲，在一個礦場做工程師。在礦場的兩年間，他了解到運作一間公司的流程及困難，為日後回歸家族公司鋪路，但辛苦難免：「試過連續返工十四日，中間淨係放咗一日假，仲要係我生日！嗰時都辛苦㗎，不過責任感驅使我淨係想盡快做完工作。」

從不當眾喝罵下屬

○四年底決定回港，翌年即進軍家族公司。他明白要在已上軌道的老字號公司再創高峰並不容易，但不代表他會坐在辦公室「印印腳」。他一直留意潮流，為產品注入新元素，為公司帶來新衝擊，他說：「餐飲酒店用嘅產品就基本上唔會變，但係家居嘅用具就一定要兩年換一次款，先可以保證生意長做長有！例如我為廚具推出過迷你版，好受小型家庭歡迎。」說到最新得意之作，就是「懶人專用煮麵壺」，能夠輕易煮出完美口感的即食麵！

別看他三十出頭，原來他在管理上也有一套。Warren大膽改變舊有風氣：「以前廠房邊個係主管就邊個話晒事，但我認為唔同職位嘅員工都有權表達意見，開會我隨意抽問同事，希望得到最好嘅方案，所以有啲人每次開會都會戰戰兢兢，驚我突擊問嘢，哈哈！」此外，他特別提到上司下屬的相處方法，就是從不當眾喝罵，「如果我當眾罵部門主管，你叫佢點面對佢自己嘅下屬？咁亦令佢無尊嚴，其實有問題可以入房慢慢傾！」

走入社區幫助基層

Warren在公司默默耕耘，空餘時間無幾，但他仍堅持走入社區接觸低下階層：「香港需要關心、幫助嘅人太多，我想盡公民責任！」他落區探望老人家，曾聽一名婆婆訴說悲慘往事而感動，一同落淚，又曾搞活動帶屋邨居民去看大戲，造福社區。

Warren最渴望幫助的是年輕人，自從他擔任秀茂坪區少年警訊名譽會長後，接觸年輕人機會大增：「最難忘有位少年警訊領袖話我對佢影響好深，因為我以前曾叫佢有機會學外國文化，卒之佢去新加坡住九個月，返嚟同我講有好大得着！」感動，來自他人的感激，他最想繼續幫人，累積更多社區經驗為有需要的人帶來快樂。

Warren Sun's Profile

學　　歷：澳洲悉尼理工學院Adv Diploma of Mechanical Technology、澳洲悉尼大學機械電子工程學士

婚姻狀況：已婚，育有一女

現　　職：建樂士（深圳）工業有限公司產品工程師

公　　職：香港中華廠商會聯合會會董、觀塘區撲滅罪行委員會委員、秀茂坪區少年警訊名譽會長、香港澳洲華人協會副會長、香港甬港聯誼會常務理事、香港青年議會副主席、深圳市龍崗區平湖商會副會長