雖然日本核危機暫時紓緩，但輻射污染範圍正在擴散，令人憂慮。本地時裝設計師何志恩尋日為一個童裝專櫃開幕活動擔任主嘉賓，仲透露夫家大部分親戚都住喺北海道，雖然冇受地震影響，但亦擔心核輻射擴散，又聽日本朋友話當地物資短缺，甚至出現廁紙荒。
佢話屋企人曾建議親戚嚟香港暫避㗎，仲話：「日本人好愛國，親戚係經營寺廟，唔可以一走了之，自己只有戥佢哋擔心，本身係基督徒，只有祈禱，其實災難係上帝畀訊息世人，話我哋知做得唔啱，叫我哋愛惜世界。」
何志恩話依家唯一可以做嘅係為喺日本嘅親戚祈禱。
