政情：壯大僑豐許照中未言休
市場近期盛傳僑豐金融行政總裁許照中快榮休，尋日向許照中求證，原來佢喺工作上的確將有新安排，好快會由行政總裁榮升為副主席。
許照中解釋，僑豐金融已發展咗六年，喺證券等金融服務業上已有一定地位，表現穩定，為咗配合母公司喺亞洲區內銳意發展投資銀行模式，香港公司方面亦要尋求進一步發展，將會加入更多有投資銀行經驗嘅新血。佢又坦言依家六十幾歲，唔想再管行政、運作等日常事務，倒不如主力協助公司繼續發展業務，好似零售同期貨等。
佢係公司股東之一，同公司嘅關係可謂係唇齒相依，新安排既可協助公司發展業務新方向，佢又可以繼續有時間做公職，可以話係雙贏。
