立法會財務委員會特別會議尋日討論駐內地同駐外辦事處嘅開支，好多相關嘅官員都有出席。經常求見官員不遂嘅「五散人」、廠商會嘅立法會議員林大輝，就追問駐粵辦主任鄭偉源係咪人手唔夠，否則點解由○二年駐粵辦開張至今，都冇人肯見佢，佢想反映內地港商苦況都冇機會。
點知鄭偉源相當好記性，即場諗起以前同大輝喺福建見過面，但已經係一九九八年嘅事。吓？福建？仲要係十三年前嘅事！當時鄭偉源都唔係做呢份工、坐呢個位喇，佢咁講咪即係捉蟲、自暴其短囉，真係唔知大輝好嬲定好笑。
鄭偉源話見過大輝，但喺十三年前見，地點係福建。
林大輝
