SUN世代:不喜拍照免勾起回憶
藝術家大多有獨特個性，伍樂城也不例外。貴為一線音樂人，但他自言不喜歡拍照，也不習慣和傳媒打交道。他對影相自有一番見解：「我唔鍾意影相，相片係一個回憶，見番啲相，自然會諗起當時同邊個一齊、發生過乜嘢事，只會令自己唔開心。冇相片留低，就唔使諗番以前。」
遺傳了父母優點
說起家庭，他即說：「我屋企好簡單，得父母。我同母親好似，大家講嘢都係好有意思，佢講得出嘅，即係證明係有意思，但我又會估到佢問乜喎，通常我都會講咗出嚟先，我唔講嘅，即係冇意思，佢亦唔會問。」他形容父親是正直的人，母親則富有正義感，他自覺遺傳了父母的優點。
伍樂城（前排右三）定期舉辦音樂講座。 （受訪者提供）