政情:Rosemary雲入面跑越野賽
為推動環保低碳生活，Rosemary同男友Jason尋日結伴參加第三十五屆畢拉山十五公里古蹟越野賽，她用咗一小時二十六分鐘跑畢全程，衝過終點後，佢好開心咁話：「我目標係喺個半鐘之內完成，依家仲快咗四分鐘。」佢仲話尋日天氣好潮濕，跑步時好似喺啲雲入面跑，十足喺夢境咁。
佢話比賽前用咗五、六個月練習，日日跑一個鐘，因為驚太飽會嘔，尋日早餐只係食咗一隻香蕉。由於活動係推動環保低碳生活，佢覺得好有意義，希望出年成績會更好，仲以捧盃為目標添！至於佢男友比佢慢半個鐘完成賽事，佢不忘大讚男友今日嘅表現好好，為佢感到驕傲。佢又透露將喺七月全面復工，依家努力增值自己，學緊國語同讀緊健康體能課程。
Rosemary同男友Jason結伴參加畢拉山十五公里古蹟越野賽。
Rosemary男友Jason