「玩具大王」蔡志明長女蔡加敏早前誕下孖胎,尋日佢同老公馬鴻銘出席一個活動時話,孖仔已經有六個禮拜大,大仔有十磅,細仔就有七、八磅,佢餵人奶之外,仲輔以日本奶粉。
依家日本奶粉畀人搶到斷晒市,佢並唔擔心,話有訂定奶粉。已有三個BB嘅加敏似乎有收工之意,但老公卻話:「梗係唔夠啦!」
蔡加敏努力收身,尋日同老公出席活動身材已苗條不少。