City Parade：為足球起舞
足球，喺世界任何一個角落都咁受歡迎。為推動足球發展，慈善機構上周五舉行周年慈善餐舞會，為保良局足球發展基金籌款。帥氣逼人嘅國際足球巨星中田英壽及畢特，賞面到賀。女性緣甚佳嘅中田英壽成為party「電力王」，男女嘉賓爭住上前同佢影合照，壽仔來者不拒，仲好慷慨捐出親筆簽名國家隊球衣及足球作慈善拍賣，愛心無限。
中田英壽好搶鏡
前日本國腳中田英壽俊朗又夠Man，難怪副主席龐盧淑燕同前主席劉陳小寶爭住同佢影相留念。
靚女出席湊熱鬧
傳媒人何禮全與一眾港姐及華姐齊出席Party。
善心五人組登場
保良局副主席鄭錦鐘夫婦、梁寶珠副主席及候任總理張智彥夫婦，齊出錢又出力。
型仔畢特夠吸引
穿上筆挺西裝嘅著名球星畢特，一樣瀟灑有型。
馬清楠伉儷到賀
馬清楠總理與太太盛裝到賀。
李惠莉談孫最開心
玩具大王蔡志明太太蔡李惠莉透露一對孖孫已改了中文名，稍後會擺百日宴慶祝。
陳正欣現身睇球星
陳正欣總理都嚟一睹球星風采。
陳細潔消脂靠勤力
陳細潔總理遊完泰國後極速減磅，秘訣全靠勤做消脂機。
呂鈞堯就快做老竇
保良局主席呂鈞堯透露韓籍太太有喜，六月將榮升做老竇。
龐盧淑燕（左）、中田英壽（中）、劉陳小寶（右）
何禮全（左三）
鄭錦鐘夫婦（左一及二）、梁寶珠副主席（中）及張智彥夫婦（右一及二）
畢特
馬清楠（右）與太太
蔡李惠莉
陳正欣
陳細潔
呂鈞堯（左）與太太