Sun角度：扔石引雀影響生態
為拍攝而破壞環境，早有先例，長春社總監蘇國賢指出，過往於郊野亦有多人為拍得佳作，踐踏林木，甚至活捉昆蟲回家雪藏，雪到昆蟲僵硬，藉以方便拍攝，蘇批評缺德者行徑直接損害環境生態，呼籲市民出外拍照時要自律，愛護環境，同時促請政府加強保育宣傳。
「有啲人去郊外係以影相為先，唔理環境，見過有啲人為咗令田入面嘅雀仔出嚟，竟然扔石嚇佢哋！但又唔諗咁樣會破壞環境，會令啲雀仔唔再返去，影響生態。」蘇國賢更指，部分市民因欠缺公德心，隨時會得不償失，「打理田地嘅農民，可能因為咁，以後都唔畀其他人接近佢塊田，第日連影都冇得影！」
另外，郊野地區難以監管，主要靠市民自律，惟政府並無愛護環境的教育及宣傳，「淨係得啲叫人行山注意安全嘅宣傳片。」蘇國賢要求製作宣傳片，提升市民保育嘅意識。
蘇國賢批評場內告示少之又少，應在圍欄上加貼指示。