Sun世代：大忙人身份多多冇時停

Tina自小手腳就無時停，偏偏她有個文靜到極的中文名，難怪她笑說：「阿爸話同我改錯名，個名有個婷字，但偏偏我就冇得停！不過我好鍾意個名，兩個字夠型，朋友仲成日笑我係『壹號皇庭』添！」

說到父母，她笑逐顏開，感激父母給予她幸福的成長環境。如今Tina事業有成，父母也很欣慰，更以她為榮：「每次我出席活動，父母都一定會嚟捧場，係我『頭號Fans』！」

冇時間拍拖

Tina形容自己身份多變，市場策劃工作是Tina 1.0，健身教練是Tina 2.0，社區義務工作是Tina 3.0。那究竟何時有Tina 4.0─為父母添女婿？Tina笑說：「忙到冇時間！依家有朋友、家人、健身班嘅學生，大時大節都唔缺乏愛，爸爸仲叫我唔好嫁，陪吓佢，不過媽咪就想我拍拖，成日『借啲意』話人哋個女嘅男朋友幾好，間接叫我積極啲！」不過，其實Tina正值花樣年華，仍有時間慢慢揀！