大家擔心日本災民之餘，亦擔心日貨短缺，同日本有唔少生意往來嘅中華總商會會長蔡冠深同太太蔡關穎琴，當然都好關心災情，所以地震過後，佢哋即時打電話過去搵番啲生意夥伴，好彩大家都平安大吉，佢哋亦放下心頭大石。
經營日本料理嘅蔡太就不諱言好多貨物都已經冇晒，所以依家都唔知跟住會對生意造成咩影響。不過，佢相信香港政府對食材嘅入口會有好足夠嘅安全檢測，但亦好明白同了解巿民喺心理上會有一定影響，所以恐慌亦難免。
經營日本料理嘅蔡太話好多貨物都冇晒，依家仲未知影響有幾大。
