Sun世代：六呎二猛男敬畏嚴父
Calvin名副其實高大威猛，身高達六呎二吋，原來他的增高秘訣是游泳，他笑言：「我估係因為三、四歲已經開始日日喺屋企泳池游水。」他亦是一名運動發燒友，酷愛足球、高爾夫球及滑雪。記者笑指他肯定是位籃球健將，但他竟答：「我爸爸唔畀我打籃球，佢話好危險。」
Calvin是家中獨子，父親比他年長逾四十年，「食鹽多過佢食米」，因此對他管教很嚴厲，事事為他定下計劃規矩，要他執行：「例如我小學嘅時候，每個月要寫份statement列出我啲零用錢點用。佢亦唔畀我攤大手板攞錢，如果我想買玩具，就要寫一份計劃書，列明買嘅理由、個玩具有咩好等等。」棒下出孝子、嚴師出高徒，Calvin很感激父母：「爸爸媽媽對我好嚴，但我從佢哋身上學識好多嘢，終身受用！」
父母管教嚴厲，Calvin自小已謹守紀律。 （受訪者提供）
圖為他小時當童軍。 （受訪者提供）