政情：搞搞政：IT豪變身立會喬布斯
添馬艦政府總部工程如火如荼，新大樓幾乎所有設施都升級，尋日資訊科技界嘅譚偉豪（IT豪）去咗參觀，但佢對新設施嘅電腦顯示屏就有異議，原因係呢個顯示屏冇辦法做到iPhone或者iPad咁喎。
佢講緊嘅係螢幕冇多點觸控功能，唔少用家都知，呢個系統係畀人郁吓隻手指即可放大縮細圖像，操控好方便。
佢愈講愈開心，蘋果教父喬布斯上身咩？雖然唔多like個新螢幕嘅功能，但IT豪就好like佢嘅高清設計，仲對新大樓電腦系統讚不絕口。
事關現時議員喺立法會開大會時，冇辦法知道其他幾個會議室嘅情況，一個唔留神仲會搞到唔夠法定人數流會，新系統就解決到呢個問題，議員可以同時睇到四個會議室嘅開會情況，仲會顯示埋要求提問議員嘅排隊順序，咁就萬無一失啦！
