政情：阿石脊椎移位中環慢遊

退出政壇多時嘅劉千石尋日喺中環置地廣場一帶出現，佢冇做議員好耐，但衣着打扮就同好似返議會咁，白恤衫加件西裝褸。不過，久未露面嘅佢行路卻唔係好自然，動作明顯慢咗，問起先知，原來佢啱啱去睇醫生。唔使驚，佢唔係直腸癌復發，只係脊椎移位啫，所以佢一舉一動都有啲慢動作感覺。

阿石話，佢要慢慢行路，如果動作太大就會覺得痛。雖然身體不適，但阿石心情都好靚，當時正值下午茶時間，佢去到間餐廳門口唔知係咪等位，期間仲同接待嘅侍應生好好傾，平易近人嘅作風可算幾十年不變。

Money18 新功能「18好路數」為你預測心水股票升跌機會率

劉千石（右）同女侍應生談笑風生。