政情：王冬勝下任財爺熱門

尋日我哋見到前財爺梁錦松，本來想問吓佢對預算案嘅意見，點知阿松卻忽然叫記者問啱啱行過嘅滙豐亞太區行政總裁王冬勝，仲話問吓呢個「未來財政司」嘅意見好過喎！

嘩！唔通阿松收到風，知道王冬勝被欽點做新財爺？當全場目標轉移時，王冬勝明顯嚇一嚇，即時耍手擰頭咁話：「唔係，我唔知呀，我唔評論，唔好話我係呀！」無論點，之前幾次財政司司長換人，王冬勝都被傳係熱門人選之一，更有人話佢一直吼住李國寶個金融界立法會議席，所以阿松今次都未必係山草藥亂噏㗎。

Money18 新功能「18好路數」為你預測心水股票升跌機會率。

王冬勝唔評論自己係唔係下一任財爺。