政情：煲呔曾聞溫總嚇到跌信
預算案引發本港空前民怨，搞到國家領導人日前都要對特區政府提出三大要求，仲特別指出政府有充裕嘅財政收入同雄厚嘅外匯儲備，要解決民生問題，政府高官聽到，唔知有冇面紅呢？尋日行政會議舉行前，記者就國務院總理溫家寶嘅提點向煲呔曾提問，點知佢一聽就手騰腳震，連手上嘅請願信都跌咗落地。
煲呔曾點解咁心慌呢？佢當時啱啱踏入政府總部，接咗請願市民嘅信件之後，就聽到記者提問，嚇到封請願信都跌咗落地，事後佢一面回頭張望，封信卻由隨從身手敏捷咁執起，記者再度追問時，煲呔曾亦話之你，繼續充耳不聞咁向前行，一面上樓梯一面擰轉頭，向鏡頭強顏歡笑。
煲呔曾一聽到記者問佢有關溫總嘅提點，即時嚇到跌咗手上封請願信。