SUN世代：推車賣麵賣到連鎖店
南記粉麵由香港仔賣到灣仔，到底是如何發迹呢？魏子俊（Joe）笑言，三十年前開業的時候他還未出生，只能聽父母親口述歷史。記者請他分享南記點滴，他也尷尬笑說：「我都係知道少少，唔知啱唔啱。」
唔鍾意做「太子爺」
「爺爺嘅細佬（叔公）魏南以前推車仔賣春卷、魚蛋粉麵，車仔寫住『南記』。去到爹哋同大伯、姑姐嗰時都有推車仔，之後就租第一間舖賣粉麵。印象中舖頭有四張大圓枱，每張枱都有女工包緊春卷，嗰時未有小窩米線。」
而南記對於Joe的童年影響，並非可以請朋友食麵攞威，相反，因自己是南記太子爺，變成朋輩取笑或拉攏的對象，「其實我唔太鍾意呢個身份，讀小學時已經人人知，諗住升中學可以洗底，點知返學第一日就畀人傳開晒……」原來他壓根兒不喜歡成為校園的焦點。