政情：沈祖堯細個唔玩丫叉

今年係小童群益會七十五周年會慶，尋日就喺中央圖書館搞咗個經典兒童玩具展，擔任主禮嘉賓嘅中大校長沈祖堯自爆由細喺灣仔小童群益會玩到大，特別掛住細細個玩嘅玩具，例如荷蘭水蓋同拍公仔紙等，但佢話從來都唔會玩丫叉彈紙，因為好易整傷人，只係曳嘅小朋友先會玩。

Money18 新功能「18好路數」為你預測心水股票升跌機會率

展覽入面展出嘅經典玩具，沈祖堯（左二）好多都有玩過，但一見到丫叉就耍手擰頭。