政情：紅姑唔問價掃靚鞋手袋

尋日下午喺中環置地名店Roger Vivier見到女星鍾楚紅，一入店內就被店員認出，好熱情咁招呼佢入VIP房慢慢揀。

試鞋時，無論高貴密頭鞋、露趾高踭鞋，紅姑一律要試，瞄到女店員着住一對新款三吋高深啡色高踭鞋，登時雙眼發亮。唔知係咪因為鞋款已斷碼，職員二話不說割愛，除鞋畀紅姑試真啲，寧願自己光住腳。咁體貼冇理由唔幫襯，紅姑一口氣買夠五對，再加副黑超同一個Clutch Bag。使咗幾多錢？紅姑笑而不答，睇嚟錢喺佢眼中並唔重要，着得靚乜都抵番啦！

Money18 新功能「18好路數」為你預測心水股票升跌機會率

紅姑狂掃五對靚鞋，滿載而歸。