政情：馬時亨太太為日本禱告
日本發生九級地震同海嘯，世界各國紛紛響應支援。曾為馬尼拉事件、金融海嘯同四川地震等禱告嘅前高官馬時亨太太、全城更新主席Linda王培琪，尋日發起為日本緊急禱告。
Linda嘅禱告係希望神可以出手，避免核反應堆受地震影響而熔毀，其次係保護因為海嘯警報同核熔毀危機而撤離家園嘅群眾，同埋加快拯救。此外，佢亦祈求神可以安慰失去親友嘅人，賜力量同盼望畀日本人，以及提供智慧畀日本嘅領導者、救援隊伍同幸存者，使佢哋作出明智決定，妥善分配資源，同埋有冷靜、清晰同健全嘅心靈。希望Linda嘅禱告奏效，令日本人盡快走出呢次災難嘅陰霾。