慈善之Sing
慈善Ball，氹氹轉。要籌款爆燈，就要動吓腦筋。仁濟醫院早前一個星期五喺君悅舉行周年慈善餐舞會，仁濟主席以至一班總理，練定把靚聲，齊上台開金口，歌喉媲美唱家班，絕不失禮。西班牙皮王LOEWE推出新鮮熱辣Made To Order系列，時尚淑女率先落柯打，自選皮料及顏色，做番件獨一無二皮褸或皮草。依家預訂，秋天有新衫着嘞。
恒生孫新抱捧場
已故恒生銀行創辦人何善衡孫新抱何倍倩都係LOEWE忠實粉絲。
名人靚太最啱傾
藝人童愛玲（左起）、影星甄子丹太太汪詩詩及公關界名人周美鳳講起扮靚，話題不絕。
莫華倫太太最like
著名男高音莫華倫太太邱文伶非常喜愛LOEWE皮褸設計高雅。
型男索女唔少得
人氣型男高以翔（左二）與三位名模齊演繹LOEWE最新Made To Order系列。
美容教主靚爆鏡
鄧肇殷總理係卓悅美容集團高層，難怪由髮型、化妝到着衫，都係一個「靚」字。
甜蜜情侶好事近
王賢訊總理（右）同未婚妻Vincci（左）下月拉埋天窗。
四朵金花夠台型
「仁濟四朵金花」，蘇陳偉香副主席（左起）、李文斌太太Amanda、仁濟主席董吳玲玲及嚴徐玉珊總理齊高歌一曲，台型十足。
老友鬼鬼齊行善
仁濟副主席李文斌夫婦（左一及四）同米蘭站主席兼仁濟總理姚君達夫婦（左二及三）老友鬼鬼。
主席出錢又出力
仁濟主席董吳玲玲（右二）出錢出力搞慈善party，老公董中浩（右一）、仁濟總理嚴徐玉珊（左二）及丈夫嚴玉麟（左一）齊撐場。