政情：周松崗為慈善允任大董

周末嘅馬會好熱鬧，尋日就見到首次以大董身份出現喺馬會嘅港鐵行政總裁周松崗，佢心情唔錯，一路行都係笑眯眯咁。問到點解出任大董，周松崗話，馬會主席施文信兩個禮拜前突然問佢有冇興趣做大董，佢諗咗一陣，最終畀馬會嘅慈善工作打動咗。

周松崗雖然已屆退休之齡，但佢話有心有力，仲應承退休後唔會只吃喝玩樂，反而會繼續擔任公職服務社會，既然入咗馬會做大董，話唔定會養番匹馬過吓馬主癮㗎！

Money18 新功能「18好路數」為你預測心水股票升跌機會率。

周松崗（中）向來幽默，帶動廂房內一齊觀賽嘅友人笑逐顏開。