謝廷駿母怒轟曾鈺成

【本報訊】「菲律賓嗰邊都無回覆，真係令人好憤怒，人喺嗰邊死，成件事過程全世界都睇到，佢哋點可以唔派人嚟？」在8．23慘案中殉職的領隊謝廷駿，其母親李美珍昨指摘菲律賓政府「根本無將港人性命放喺眼內」；她又批評立法會主席曾鈺成否決議員提出促請菲政府派證人來港的緊急動議，「令她憤怒得淚水也流出來」。

此外，警方今日下午將派人前赴菲律實，為槍手門多薩弟弟越洋作供做準備。

譴責菲政府處事草率

李美珍昨在電台節目中譴責菲律賓政府處事馬虎，「佢哋連槍手嘅DNA都無畀香港，我喺死因庭仲聽到生還團友話，見到你（謝廷駿）畀人抬出車之後，就被丟埋一邊，沒人急救，沒人理，一直被雨淋，我哭到個心好痛，好多人叫我唔好去旁聽，但我唔想逃避。」

李美珍公開要求港府及中央政府伸出援手，向菲交涉。她又批評曾鈺成否決有議員提出促請菲政府派證人來港的緊急動議，「我唔明，點解在香港，竟然有人睇住一群港人喺異地慘死之後，仲可以對我哋要討回公道嘅決心扔石頭。」

但李美珍未有因此洩氣，她表示，因過世的兒子生前曾經說過「甚麼都可以輸，鬥志唔可以輸」，故仍有決心要為兒子及其他慘死團友討回公道，「無論如何，尋求真相呢條路都會走下去！」