政情：陳啟宗自爆鋼琴神童

專家話音樂可以陶冶性情，恒隆董事長陳啟宗就話有音樂底子，唔會咁銅臭，人嘅素質都好啲。

陳啟宗尋日出席一間兒童音樂實踐中心翻新後開幕禮，仲盛讚中心負責人葉惠康。陳啟宗話十六歲喺浸會跟葉惠康學樂理，唔講唔知，原來佢四歲已經學琴，有八級資格，仲攞過音樂比賽冠軍，佢話可惜冇學落去，唔係今日更有成就，又話識得欣賞古典音樂嘅好難有壞人，有啲人錢賺好多，但人質素差，如果香港冇葉惠康，一定失色咁話！

Money18 新功能「18好路數」為你預測心水股票升跌機會率。

陳啟宗（右一）到場支持師傅葉惠康（中），主持兒童音樂實踐中心開幕禮。