政情：搞搞政：食力簡轟$6000暫時止痛
後知後覺係政府嘅通病，財爺鬍鬚曾都唔例外，佢嗰份「史上最廢」嘅預算案搞到天怒人怨，早前見到手握立法會過半數票嘅建制派議員後，急急跪低宣布派錢，人人派六千蚊，可惜民心盡失，市民袋錢也難消怨氣，包括冠軍級練馬師「食力簡」簡炳墀。
尋日喺沙田馬場見到食力簡，講起人人派六千蚊，佢無名火起，怒轟派六千蚊係Panadol（止痛藥），藥力過後，市民照樣再痛過。
跟住佢批評政府施政欠遠見：「應該將錢投放喺基建同教育，起多啲居屋同公屋，社會自然少啲怨氣。」佢話年輕一代置業安居無望，係迫切需要幫助嘅一群，但政府一味派錢，係治標唔治本，抵鬧。雖然嬲政府，但食力簡係義氣之人，拍心口將六千蚊捐助貧苦大眾。
設計圖片及對白